
Тропарь
священномученику, глас 2:
Апостолов
преемниче, мучеников единонравие, в час огненнаго искушения на служение Церкви
призванный, нечестие безбожных дерзновенно обличил еси, и паству твою страдати
по Христе укрепил еси. Егоже моли, священномучениче Августине, Церковь Русскую
святу и непорочну соблюсти до славного пришествия Его.
Стихира мученикам,
на стиховне, глас 5:
Радуйся,
полче Божественных страдалец, стопам бо последовасте древних мученик, ни
мановением, ни словом, ниже писанием не отступисте святыя нашея веры, и смертию
горькою восход небесный обретше, Христа умолите покаяние даровати нам и велию
милость.